*^..: يسمع خطبة الجمعة وهو في سيارته :..^*

[سعد الدوسري]

السلام عليكم روحمة اللـه وبركاته

شحالكم وعساكم بخير اخواني واخواتي

توني معود من صلاة الجمعة

شفت ظاهرة تتكرر كل يوم جمعة وقت الصلاة لكن اليوم شفتها وبكثرة مما دفعني بالتحدث عنها

اشوف ناس يستمعون لخطبة الجمعة وهم جالسين في سياراتهم او مواترهم

صراحة منظر مقزز وعدم تقدر لحرمة المسجـــد

الادهى من جذي اني شفت اليوم رجال يقرأ الجريدة والامام يخطب خطبة الجمعة والرجال اللي يقرأ الجريدة جالس في موتره ويقرأ واول مااقيمت الصلاة او الدعاء اللي قبل الصلاة رز وجهه ونزل يصلي الجمعة وشايل في يدة سجادة الصلاة او زولية الصلاة وراز وجهه مع المصلين

للعلم انه رجل كبير بالسن ومعه اولاده ... يعني شوفوا القدوة الحسنة ماشاءالله شلون يعلم اولاده انهم يسمعون خطبة الجمعة وهم في السيارة ويقرأون الجريدة

انت يالي راز وجهك مع المصلين ماتعرف تجي قبل الوقت علشان ماتأخر

ولو جيت متأخر ماتعرف تنزل من سيارتك وتروح مثل المحترم للمسجد وتقعد مع المصلين هذا إذا كنت انسان صالح وعابد ربك وتنثبر وتسكت وتسمع خطبة الجمعة بدل ماتقعد تسولف وتقرأ الجريدة

وتعلم عيالك هذي العادة القذرة

شنو يعني حضرتك قاعد على صندوق كله فلوس تخاف تنزل وحد يبوقه او حضرتك خايف انك تنزل من موترك وتصيدك الشمس تغير لون بشرتك

ماتدري انه الله بيحرق وجهك يوم القيامة لأنك اخرت صلاتك وتماديت فيها وإستهزأت في حقوق الصلاة

طول الاسبوع ماتطب المسجد ولا تدخله الا بس بصلاة الجمعة وآخرتها تسوي جذي

عيب والله عيب عليك ياشخص ياكبير ياعاقل ... هذا اذا كان فيك عقل ...

إعذروني على اسلوبي العصبي في الطرح لكن صج السالفة تستاهل انه الواحد يوقف جدامها ويعلق عليها خاصة بأنها انتشرت بين ناس وايد ... اليوم شفت جذي اكثر من 9 اشخاص واكثر والله وبدون مبالغه اتكلم.

من طبعي اني جريئ وجرأتي اطلعها جدام اي شخص جدامي ماتفرق معي ...

اول مانزلت من الموتر وبدخل المسجد شفت واحد يقرأ الجريدة وتحديداً الملحق الرياضي

جان اروح له واسأله ... يافلان المباراة الساعة كم اليوم ؟

قالي والله مادري مب كاتبين الجريدة هذا انا يالس ادور الساعة كم المباراة ... قلت له هذا اللي هامك والامام اللي يخطب يحاجي الطوف او الصخر ... الله يهداك ... نزل وجهه الرجال في الارض وماتكلم وياي ولا كلمة قلت له الله يهداك ومشيت عنه

يالله شتقولون عن هالأشكال ؟

اخوكم ... اوتـــــار

[روح قـــطـــر]

شدراني والله ..

انتو رياييل وبرا البيت وتعرفونـ ..

بس صج مايستحون علي ويوهم .. شالفايده تسمعها بسيارتكـ ..

اخوي لاتعصب .. وهدي نفسكـ ولما تشوف ناس تسوي جيه انصحهم ..

والله يكثر من شباب المساجد ...


الله يعطيكـ الف عافيه .. وتشكر ع الموضوعـ ..


تقبل مروري المتواضعـ ..


دمت بحفظ الله ورعايتهـ ..

[Яéď βοш]

+[ اناا عني اول مره اعرف ان شي رياييل جي يسوون >.< ]+

+[ الصراحهـ لي يسوي هالرحكهـ مب ريال والسموحهـ على هالكلمهـ بس هاي مش مريلهـ >.< ]+

+[ انا معاك فاللي سويتهـ اخويهـ لان شي ناس ما تنفع معاهم النصيحه و يبالهم من يشد عليهم . و ضج عيب عليهم وعاللي يسوونهـ ]+

+[ اللهـ يهديهم و يصلحهم ان شاء اللهـ ]+

+[ تسلمـ يمناك اخويهـ عالموضوع الطيب ^.^ ]+

[بنت النور]

المشكلة انه كثير منهم ما ييجون المسجد الا الجمعة مثل ما حضرتك تفضلت وقلت اوكي هاليوم في الأسبوع احترموا نفسكم فيه وأعطوا المسجد من وقتكم الثمين !!! على الأقل وقت الخطبة ما يعرفون انه مجلس تحفه الملائكة ولا عندهم اجر وايد وما يعرفون وين يروحوا في حسناتهم !!!
الله يهدينا واياكم جميعا ويعطيك ألف عافية أخوي على الموضوع اللي فعلا يقهر كل مؤمن

[ღ white cat ღ]

اسمع واايد من اخوي عن السالفه هاي. صج قهر والله الواحد مايعرف شنوو يقول ولا بوشويوصفهم

بس الله يهديهم مااعرف شلي صايرلهم الشباب ؟

مشكور اخوي لطرحك لهاي الموضوع المنتشر والمهم

[سعد الدوسري]

اي والله اخوي لا حظت هالشي اليوم ...واذا قلتله يحظر مهرجاان او مباراه.. تلاقيه راز الوجه اول واحد
ولا حظت شي ثاني بعد...الخطيب لا حظ الزحمه عند الباب..طلب من المصلين التقدم شوي عشان يدخلون ويقعدون..مححححححد تحرك..والله...وهذا منظر مخزي ثاني...

واللي يحظر الصلاه بملابس النوووم..خلها على ربك بس...

هلا والله فيك اخوي

لاهنت على التواصل الدايم

سبحان الله طلعت العادة منتشرة في كل منطقـــة

ولي تفضلت اخوي وقلت انه الامام طلب من الصلين التقدم وماتقدموا ومافسحوا المجال للي خارج المسجد بالاستفادة من المتسع داخل المسجد

يدورون الشردة الله يسلمك

اول مايسلم الامام وتنتهي الصلاة تلاقيهم ركيض على مواترهم

كل واحد حاط يده على كرشته ويوعان ياعلهم الغص إن شاءالله يبون يلحقون على الغدى ... جنه طاير عنهم

[سعد الدوسري]

شدراني والله ..

انتو رياييل وبرا البيت وتعرفونـ ..

بس صج مايستحون علي ويوهم .. شالفايده تسمعها بسيارتكـ ..

اخوي لاتعصب .. وهدي نفسكـ ولما تشوف ناس تسوي جيه انصحهم ..

والله يكثر من شباب المساجد ...

الله يعطيكـ الف عافيه .. وتشكر ع الموضوعـ ..

تقبل مروري المتواضعـ ..

دمت بحفظ الله ورعايتهـ ..

شنسوي اختي الموضوع او الحالة هذي تثير كل مؤمن غيور على دينه وعلى صلاته

الله كريم

يعطيج العافية على التواصل

والعصبية ماجات الا من غيرتي على ديني وتعاليم ربي اللي فرضها علينا سبحانه وتعالى

اشكرك على التواصل

[سعد الدوسري]

+[ اناا عني اول مره اعرف ان شي رياييل جي يسوون >.< ]+

+[ الصراحهـ لي يسوي هالرحكهـ مب ريال والسموحهـ على هالكلمهـ بس هاي مش مريلهـ >.< ]+

+[ انا معاك فاللي سويتهـ اخويهـ لان شي ناس ما تنفع معاهم النصيحه و يبالهم من يشد عليهم . و ضج عيب عليهم وعاللي يسوونهـ ]+

+[ اللهـ يهديهم و يصلحهم ان شاء اللهـ ]+

+[ تسلمـ يمناك اخويهـ عالموضوع الطيب ^.^ ]+

كلامج عدل والله اختي

شنسوي فيهم الله بالينا فيهم

لاحول ولا قوة إلا بالله

ندعي لهم بالهداية يارب والله يرزقهم العقل الراجح اللي يجعلهم يهتمون بالصلاة

ولاهنتي على التواصل الدايم

اوتار

[سعد الدوسري]

المشكلة انه كثير منهم ما ييجون المسجد الا الجمعة مثل ما حضرتك تفضلت وقلت اوكي هاليوم في الأسبوع احترموا نفسكم فيه وأعطوا المسجد من وقتكم الثمين !!! على الأقل وقت الخطبة ما يعرفون انه مجلس تحفه الملائكة ولا عندهم اجر وايد وما يعرفون وين يروحوا في حسناتهم !!!
الله يهدينا واياكم جميعا ويعطيك ألف عافية أخوي على الموضوع اللي فعلا يقهر كل مؤمن

ياهلا والله فيج اختي بنت النور

صدقتي بكل كلمة قلتيها واللـــه

هو يوم واحد في الاسبوع ومب عارفين شلون يقدرون عظمة هذا اليوم العظيم الكبير عند رب العالمين

اللي فيه ساعة استجابة

مايعرفون هالشي

الله المستعان

تحياتي

[سعد الدوسري]

اسمع واايد من اخوي عن السالفه هاي. صج قهر والله الواحد مايعرف شنوو يقول ولا بوشو يوصفهم

بس الله يهديهم مااعرف شلي صايرلهم الشباب ؟

مشكور اخوي لطرحك لهاي الموضوع المنتشر والمهم

العفو اختي ولاهنتي على التواصل

اختي السالفة مش مقتصرة الله يسلمج على الشباب ... لا طال عمرج اقولج كبار

يعني 40 سنه وفوق

هاذول مب شباب

هاذول شياب

[بنت الاكابر]

ما ادرى شقول
بس على العموم كل واحد بيزرع شئ راح يحصده بالاخر سواء كان له او لعياله

وعلى قولت اخواننا المصريين :(( كل واحد ينام على الجنب اللى يريحه))

تسلم خيو اوتار على الموضوع الرائع

وكثر الله من امثالك
لاهنت

تحياتى
بنت الاكابر

[عزيز الدمع]

شكرا لك اخوي
تقبل مروري المتواضع....

[امـ حمد]

تسلم اوتار علي الموضوع

وعلي غيرتك علي ديننا وهذه الظاهره منتشره والله المستعان

والله يعطيك العافيه