كيف تجعل المرأة سعيدة [الأرشيف] - :: مـنتديات دمــي عــنــابـي ::

مشاهدة النسخة كاملة : كيف تجعل المرأة سعيدة

عزيز الدمع

03-16-2008, 10:53 PM

> >>ليس من الصعب أبداً أن تجعل المرأة تشعر بالسعادة، فقط عليك أن تكون:
> >>1-صديق
> >>2-رفيق
> >>3-حبيب
> >>4-أخ
> >>5-أب
> >>6-سيد
> >>7-كهربائي
> >>8-نجار
> >>9-سباك
> >>10-ميكانيكي
> >>11-صاحب ذوق رفيع
> >>12-مصمم أزياء
> >>13-طبيب أمراض نساء
> >>14-طبيب نفسي
> >>15-معالج جيد
> >>16-مستمع جيد
> >>17-منظم
> >>18-أب
>روحي
> >>19-نظيف
> >>20-رياضي
> >>21-قوي
> >>22-نشيط
> >>23-رقيق
> >>24-لطيف
> >>25-مجامل
> >>26-أنيق
> >>27-شجاع
> >>28-شهم
> >>29-عبقري
> >>30-مرح
> >>31-مبدع
> >>32-ملتزم بالدين
> >>33-متفهم
> >>34-متسامح
> >>35-حكيم
> >>36-هادئ
> >>37-طموح
> >>38-بارع
> >>39-يعتمد عليه
> >>40-متقد العاطفة
> >>
> >>وبدون أن تنسى أنه يجب عليك أن:
> >>41-تمتدحها وتغازلها دائما وبانتظام
> >>42-تحب التسوق
> >>43-تكون صادق معها
> >>44-تكون غني جدا
> >>45-لا تضغط عليها
> >>46-لا تنظر
> >>للأخريات
> >>
> >>وفي نفس الوقت يجب عليك أن:
> >>47-تعطيها الكثير من الاهتمام، بدون التقليل من نفسك
> >>48-تعطيها كل وقتك، بدون أن تؤثر على وقت عملك
> >>49-تعطيها مساحة من الحرية،
>ولا تسأل أبداً أين
> >>كانت
> >>
> >>ومهم جدا جدا أن:
> >>50-لا تنسى أبداً
> >>-أعياد الميلاد
> >>-الذكريات السنوية
> >>-المناسبات العائلية
> >>-الترتيبات التي تعدها بنفسها
> >>
> >>
> >>
> >>كيف تجعلين الرجل سعيد
> >>اتركيه يعيش في سلام http://dmi3nabi.com/vb/images/smilies/Smilies%201/3n%20(8).gif

بنت النور

03-16-2008, 11:05 PM

بل بل بل

يا حرامك من الله انتو اللي اتركونا نعيش بسلام احنا يا اخوي بكفينا واحد محب ويخاف ربه فينا
وبسسسسس

سعد الدوسري

03-16-2008, 11:28 PM

بل بل بل

يا حرامك من الله انتو اللي اتركونا نعيش بسلام احنا يا اخوي بكفينا واحد محب ويخاف ربه فينا
وبسسسسس

كلامج عدل واللـــه

يكفي انه يخاف ربه في بنت الحلال وبس

اما انت يالمحترف

صج انك محترف بمواضيعك الحلووووووووة

يعطيك العافية خيووو

ناعمه

03-16-2008, 11:36 PM

شكراً اخوي على الموضوع

بس حبيت اقول لك شي

المره تستاهل كل هاذا واكثر .. وكل الي كتبته ترى قليل في حقها

وتقبل مروري واحترامي لذاتك

سعد الدوسري

03-16-2008, 11:42 PM

شكراً اخوي على الموضوع

بس حبيت اقول لك شي

المره تستاهل كل هاذا واكثر .. وكل الي كتبته ترى قليل في حقها

وتقبل مروري واحترامي لذاتك

لا تعليــــــــــــــــــــــــــــــق

ღ white cat ღ

03-17-2008, 12:24 AM

والله اللي يخلي المرأة سعيده

انه يكون لها حبيب وصديق واخ واب ويكون يخاف ربه ومحترم

يسلمووووو اخوي ع الطرح الطيب

الخفاش

03-17-2008, 04:37 AM

والله يامحترف موضوعك ذكرني بحكمه تقول ..

لن يستطيع أي رجل في العالم أن يسعد زوجته ولو أوتي مال قارون
لأن هناك دائما في طلباتها ما لا يستطيع تحقيقه

الله يعطيك العافيه

ناعمه

03-17-2008, 07:04 AM

اقول لو تنقولن هل موضوع لقسم النقاش يكون احسن ... لاني الصراحه ابي اسوي عليه نقاش

على العموم انا راح اسوي النقاش الحين

اول شي احب اذكر اني لاحين عند كلامي .. انه المره تستحق كل هاذا واكثر

تدرون ليش

لانه اهي اختك .. عمتك خالتك .. زوجتك .. وبنتك .. والاهم من هاذا كله اهي امك

انت تعرف يعني شو امك الي حملت فيك وتعبت عليك << مانبي نقلب الموضوع ويسير عن الام

نرجع لموضوعنا

هاذي الطلبات الي انت قلت انه المره تطلبها .. اي صحيحه بس مستحيل مره واحد تطلب هاذي كذلها

يعني كل مره راح تطلب كم واحد من هاذي

وبعدين حتى لو اهي كذا

انت جبت طبات احن نطلبها

وماجبت الطلبات الي انتو تجلبونها

خلاص انا راح اقول لك طلباتكم انتو يا الرياجيل

اول شي لازم تكونين حلوه ..

لازم تكونين الزوجه

الخت .. الام .. البنت .. كل شي

لازم تكوني تعرفين تطبخين .. حتى لو فيه خدامه .. على الاقل من شان مايجلس كل يوم يستهزاء فيج

لازم تكونين بنت ناس اغنياء .. معا انه مايقدر ياخذ شي من حلالهم .. بس على الاقل يقدر يقول قدام الربع انه انا مناسب الفلان

اي شي يصير في البيت يرجع على راس الحرمه .. حتى لو مالها ذنب ولا سوت شي .. وعلى ذالك لازم تستحمل وتسكتي لانه هذا واجب الزوجه المطيعه

لازم تحبي كل شي احبه

يطلع يتمشاء تقول له زوجته بطلع انا بعد يقول لا اجلسي مايحتاج تروحين .. يعني حرام علي وحلال عليه اهو

اهو يسوق السياره .. بس الهي لا .. يقول عيب اذا تبين شي انا بويج ولا الدريول .. واهو اذا جات تبيه قال لا مو فاضي لج .. ولا تريول شو تبي فيه غير الاسواق ولا الاماكن العامه .. يعني ماتقدر تروح معاه البحر ولا مكان مثل كذا المره تبي زوجه

والله الرياجيل فيهم اشياء كثير مو حلوه مثل ما انه الحريم فيهم كذا .. بس انا الحين مخي موقف

بس هاذا رايي .. المره مو بس الي تبي .. ترى الرجال بعد يبي

اتمنا ما اكون طولت عليكم الموضوع

وسمح لي على المرور اكثر من مره .. بس من شان كذا انا قلت انقوله للنقاش لانه هناك نقدر نرد اكثر من مره بدون اعتذار ولا احراج

احترامي للجميع

Dream Qtr

03-17-2008, 08:49 AM

هههههههههههههههه

نعومه الله يغربل ابليسج

وربي تعبجيني

هههههههههههههه

انا مع ناعمه

لاتعليق

P:

سعد الدوسري

03-17-2008, 01:39 PM

تم نقله بناء على طلب الاخت الناعمـــــة

...

حاظرين اختي لكن ماتوقف ردي على جذي بس ...

راح يكون عندي تعليق طوييييييييييييييل على ردج

مثل مامخج موقف هم بعد انا مخي مشير واسوي له ريستارت من ساعة مب راضي يعتدل

خلني افرمته واعمل باكب للموجود وعقب اتفيق وأرد عليج ^_^

ناعمه

03-17-2008, 02:01 PM

هههههه

طيب يابوي

انا ماعندي مشكله معا النقاش

بس انتضر ردك الطويل على قولتك

Dream Qtr

03-17-2008, 02:07 PM

هههههههههههههه

اوتار توه قاعد

يبيله ساعه عشان يتفيق ههههههههههههههههههههههههههه

سعد الدوسري

03-17-2008, 02:19 PM

لا والله توني معود من الدوام

يبيلي وقت لين ماسوي فورمات حق راسي

خبرج وايد مشير

Dream Qtr

03-17-2008, 02:27 PM

ااي

الله يعينك عيل

نفس الحاله

ذلتهم عيوني

03-17-2008, 02:34 PM

صح ترا كللللللللللللل هاي ولا شي بحق المراءه فديتنا والله
نستاهل اكثر واكثر واكثر

امـ حمد

03-17-2008, 06:53 PM

والله انا مع الاخت نعومه

لكن بعض الريايل ما اقول الكل يستاهلون ان المراه

تضحي من اجلهم والبعض الاخر

مهما ضحت المراه وعملت وصبرت والله ما ينفع معاهم

لكن علي المراه تصبر وتحتسب الاجر عند الله

جزاك الله خير اخي علي الموضوع الجاد

ناعمه

03-17-2008, 09:17 PM

اخوي (SATISFIED)

انت طلعت من الموضوع ودخلت في موضوع ثاني .. وصلت للطلاق

صح انا معاك في انه نسبه الطلاق مرتفعه في هاذي الفتره .. بس الطلاق مو دايم غلط من المرآه

ممكن يكون غلط من الرجال .. مثل ما انه غلط من المرآه

الطلاق حاله استثنائيه .. واذا تبي اسوي عليه نقاش انا ماعندي مشكله

انا لالحين انتضر النقاش الطويل من اخوي اوتار .. ومابي اطلع من الموضوع لحد ما اشوف رايه

عزيز الدمع

03-17-2008, 10:19 PM

ناعمه

03-17-2008, 11:16 PM

اختي نااعمه...

انا ما خرجت عن الموضوع...

الطلاق سبب رئيسي في عدم توفر الصفاات المطلوبه في الرجل واللي تتمناها المراه من الرجل...

والعكس ايضا...المراه لازم تكون متوفره فيها هالصفاات عشان ترضي الرجل..والا تكون الحياه بينهم يا اما ناقصه او متوتره او مستحيله...

وبعدين اختي ...المراه هالاياام دائما تتعذر وتتحلطم دائما وتقول ليش الرجال ما يحبي ولا يقدرني ولا يعاملني معامله زوجه او بالاختصار يعتبرني كل شي بحياته..اكييد في سبب...(( تشوف نفسها بالاول)) وتقوول في نفسها...اكييد في شي ناقص فيني تخلي معامله زوجي ناقصه تجاهي وما يعتبرني كل شي في حياااتي...صح؟؟؟

اول شي احب اقول لك انا احترم رايك .. بس هاذا الكلام الي انت كاتبه لو تسويه عكس راح تلقيه ينطبع على الرجل نفسه

مثل المرآه تتحلطم وتقول الرجال مايحبوني .. الرجال بعد يقول هل كلام (( واهو بعد مايشوف نفسه ))

ناعمه

03-17-2008, 11:26 PM

راااااااعيها بوسفوووووووووووود انا مب راد عشان محد يزعل وكلتك في هالقضيه مادري اختي ناعمه شاده حيلها تبي تطلع الرجاجيل غلط والحريم صح / مع انه التفاهم والحب هو سيد الموقف اما نسوان هالايااام كله بالمجمعااات والا شاخر الموضه اللي نزلت والزوج والعيال الله يخلي الخادمه بس/ مابغي اطول في الرد بس بوسفوووووووووود راعيها وبيسنعكم ........ اخيرا وليس اخرا هذا الموضوع طرح للنقاش وماابغي حد يزعل واتمنى الردود تكون في مصلحة الجميع ليستفاد منها..

اخوكم المحترف

معا احترامي لك اخوي .. بس انا مابي اطلع احد غلط .. وعلى فكره انا مو من الناس الي المرآه له حقوق ومادي شو

على العكس الرجل رجل والمرآه مرآه

بس الواضح لنا من الموضوع انه المرآه انانيه والرجال لا

وانا ابي ابين لك انه هل كلام غلط

المرآه تبي .. والرجال بعد يبي

المرآه والرجل اثنينهم يكلمون بعضهم .. ماتعيش المرآه بدون رجال ومايعش الرجال بدون المرآه

وارج اقول انا مابي اطلع احد غلطان ... كل واحد له راي .. والي يدخل النقاش راح يشوف كلام كثير

وانا احترم رايك وراي اخوك .. مثل ما انا محترامه رايكم .. انتو بعد لازم تحترمون رايي

بنت النور

03-18-2008, 01:29 AM

صبحكم الله بالخير اخواتي واخواني وبالنسبة لهالموضوع الشائك انا رديت في اول الموضوع على اخوي المحترف وقلتله ان الزوجة بحاجة شي وااااحد بس "انسان يخاف ربه فيها "لأنه اتأكدوا تماما طول ما الانسان يخاف ربه في بنت الحلال اللي هو مؤتمن عليها امام الله وامام الناس رح يقدملها اكثر من اللي كاتبه اخوي المحترف
ومثل ما قالت اختي ناعمة لاتنسى انه المرة بحياتك الها حالات كثيرة قبل لا تكون زوجتك هي امك واختك وبنتك و و و و....
ومثل ما تفضلت واستشهدت اخوي SATISFIED بالاية الكريمة "الرجال قوامون على النساء بما فضل الله بعضهم على بعض"وهذا التفضيل متمثل في القوة الجسدية والقدرة المادية واكيد فاهمين معنى الاية كويس
بس بعد ما ننسى ان الزوجة لازم تكون هذيك الانسانة اللي تستحق من زوجها كل هالكلام وتكون مخلصة وصاينة زوجها في كل شي
وبالنسبة النا احنا الحريم تأكدوا يا اخواني وخذوها مني بكل ثقة اذا لقينا هالانسان اللي تنطبق عليه كل هالمواصفات رح نكون بين ايديه مثل العجينة يشكلها مثل ما يبي ....

ناعمه

03-18-2008, 06:46 PM

رأيج على عيني وراسي اختي...

مثل ما المجتع يحمل المرأه المسؤووليه...والرجل بعد يحمل نفس المسؤوليه بل اكثر..

والسبب ان الرجل يتحمل مسؤولية نفسه ومسؤوليه زوجته...((الرجال قوامون على النساء))

لكن لكي تكسب المرأه الرجل الى صفها وتملكه ملك الشخص لابنه..وحب الشخص لامه..واحترامه وعطفه كحبه لاخته..يجب عليها ان تعود نفسه على عاداته..على طبعه..على حبه..على كرهه..على كل شي يفعله...لا يمكن ان تجدي امراه تعاند زوجها حتى ولو كان على خطا..ان يسايرها...بل تزيد المشاكل..(( يجب ان تتخذ المرأه في هذه الحاله مبدأ : شعره معاويه..اذا شد..ترخي..واذا رخى تشد...حتى لا تنقطع الشعره))

قال عليه افضل الصلاة والسلام

( لو كنت آمرا أحدا أن يسجد لأحد لأمرت المرأة أن تسجد لزوجها). اخرجه الترمذي

وهذا الحديث يدل على عظمة الزوج واهمية طاعته..مب لسواد عيونه..ولكن لله سبحانه وتعالى...

بذلك يمكن ان تشعر المرأه بالسعاده اذا كان بمقدوور الرجل ان يحقق ما تطلبه المراه على قدر استطاعته..بشرط اذا وجد منها ما يدل عليه الحديث الشريف..من طاعه

وانت بعد رايك على عيني وراسي .. معا انه ماغير شي في الموضوع

وانا ما اقول انه الرجال ما يسوي شي .. اذا بترجع للصفحه الاولا راح تلاقي كلام اخنا المختلف .. انه الرجل يسوي كل شي والمرآه لا

وانا اقول انه المرآه تستق هاذا .. و بنفس الوقت اهي تسوي اشياء كثيره

مثل ماقلت قبل كذا المرآه والرجل يكمون بعضهم .. بس انتو عندكم عنصريه ضد المرآه

خلنا نفرض انه هاذا الكون مافيه حريم .. كيف راح تنولد انت نفسك .. كيف راح يجونج عيال .. من بيلبي لك طلباتك

ونفس الكلام لو الكون مافيه رجال .. المرآه مابتعيش

انت قلت ...((الرجال قوامون على النساء))

انا ما اختلف معاك في هاذا الكلام .. لاكن ما ازيد حرف على كلام اختي بنت النور

ناعمه

03-19-2008, 01:33 AM

شرح اختي بنت النور على عباره الرجال قوامون على النساء ناقص...انا كملت الباقي..

بالأول والخير اختي..الرجل نصف المجتمع...وانا اعتبر المراه نصف المجتمع الاخر...

كل واحد يكمل الاخر...

لكن بشرط ان يؤدي كل فرد دوره باتقان ..ولا يدخل كل من الاخر مجال الاخر...ونتيجه على ذلك سوف يلقى كل نصف من الاخر كل ما يحب وربما اكثر من الكلام الذي ذكر في اصل الموضوع..

سبحان الله .. انا سار لي يومين شو اقول يعني

لو بتشوف كلامي راح تشوف انه مافيه حرف يختلف عن الي انت كاتب

وحب اشكرك اخوي لانه تناقشت معاي .. ناس كثير مايتناقشون معاي بس رد واحد ويطلعون .. اما انت ماشاء الله عليك .. وصلت معاي للاخر

احترامي لك اخوي

سعد الدوسري

03-19-2008, 02:26 AM

الرد خااااااااااااااص على الأخت ناعمــــــــــــــــــــــــــــة

صباحكم ورد

اول شي دعوه لكل متزوج او خاطب مثل حلاتي ^_^ انه يتغزل في زوجته او خطيبته بهالأغنية الحلوة

v
v
v

http://song6.6arab.com/Muhammad-Abdu_Ta3jebeny.ram
مو مشكله بعد خل العزوب يسمعونها ^_^
المهم

صبحكم الله بالخير

طال النقاش في هالموضوع الحلو لكن لابد وبما اني وعدت اني ارد واعلق تعليقي الكبير يعني لازم اعلق دامي واعد الاخت ناعمة بالرد ...

عزيزتي ناعمة

راح ابتدي وياج بالتفصيل اوكي

_________________________
1-صديق = شي طيب

2-رفيق= شي حلو

3-حبيب= ولا أروع

4-أخ= ناااايس

5-أب= حلو حلو

6-سيد=ممممم حلو

7-كهربائي= يعني تكون له يعين فيها نفسه ويعتمد على نفسه ... مو مسألة بخل لكن رجل يعتمد على نفسه ... إذا جذي ... نايس ... لآني انا جذي اجب اعتمد على روحي ^_^

8-نجار= نفس جواب رقم 7

9-سباك= مصختيها عاد

10-ميكانيكي= عسى ماشر ... يعني اهد وظيفتي واروح اشتغل ميكانيكي وابطل لي كراج في الصناعية وارد لها كل يوم وصخ وريحتي وصخه وايديني خشنه ... عاد شلون امسك خدها الناعم وشلون ابوسها ؟

11-صاحب ذوق رفيع= شفتي شلون ... لو تبيني ميكانيكي ماراح اكون صاحب ذوق رفيع لأن الذوق الرفيع مرتبط بالنظافة الحياة الهنيئة وانتي تبيني ميكانيكي وميتحيل يكون ذوقي رفيع ... يعني راح احط لج زينة بتان على الشاحنه او العراوي واقولج تعالي ناخذ فره على الكورنيش ... هذا ذوق رفيع ؟.

12-مصمم أزياء= ليش .. وين راحت وظيفتي يعني ؟

13-طبيب أمراض نساء= الله لايجيب لنا بلى الحريم ولا امراضهم لأنه حنتهم هي أكبر مرض .

14-طبيب نفسي= لا ممكن اكون إنساس شاعري اكثر من اني اكون طبيب واراعي مشاعر زوجتي النفسية واكون قريب منها في أفراحها واحزانها وأزماتها .

15-معالج جيد= شي طيب اني اكون معالج لكل الامور اللي تحدث حولي

16-مستمع جيد= حلوووو

17-منظم=حلوووو

18-أب روحي= لا ... الله يخلي لها ابوها اذا هو حي ويخلي لها اعز الناس لها

19-نظيف = ها ... هونتي ماتبيني ميكانيكي ؟ ^_^ اكيد حلوة النظافة وشي طيب .

20-رياضي= الحمد لله رب العالمية انا رياضي بالدرجة الأولى .

21-قوي= قوي إيمان . او قوة جسمانية ؟. اذا قوة إيمان اللهم زدني تقى وقوى إيمان وإذا قوى جسمانية ... اللهم إجعل كامل قواي مسخرة لخدمة عبادك الصالحين

22-نشيط= شي طيب وممتاز

23-رقيق= اكييييييييد المرأة تحتاج الرقة من الرجل والحنان عليها

24-لطيف= ممتااااااااااااز وشي لابد منه

25-مجامل= لا يبه ليش ؟. خلصت الدنيا علشان اجامل والله لو وشو ماجامل احد

26-أنيق= شي طيب وهذا هو أساس المظهر للرجل .... مب ميكانيكي على قولتج ^_^

27-شجاع= شي طيب وتحتمي فيه المره

28-شهم= نعم ... الشهامة من الكرم وعزة النفس والاخلاق الحميدة

29-عبقري= حلو بس مب لهادرجة عاد ... بيشيب شعر راسه وبيستوي ابيض وعقبها بتقول زوجي شعره ابيض مابيه ... عاد شلون يرضيها ... يصبغ شهره او شيسوي .؟ دشينا في مشكله ثانية صح ... علشان تعرفون الحريم مالهم نهاية بالحنة مالتهم. ^_^

30-مرح= حلووووو

31-مبدع= اكييييد شي حلو

32-ملتزم بالدين= أحسن شي والله يثبتنا على دين الله

33-متفهم= شي طيب وجميل

34-متسامح= حلوووووو

35-حكيم= حلو وممتاز

36-هادئ= سر الحياة الطيبة الرومانسية هو الهدوء ... ممتاز ^_^

37-طموح= ممتاااااااااااااااااااااز ويعلمها الطموح اذا راسها لين

38-بارع= اكييييييييييييييد يكون بارع اهم شي يعرف شلون يتعامل وياها وياخذها على قد عقلها ويكبر عقله لي شافها طفلة جدامه عمرها مايتعدى الـ 12 سنة

39-يعتمد عليه= اكيد شي طيب وينشد به الظهر

40-متقد العاطفة وبدون أن تنسى أنه يجب عليك أن:

41-تمتدحها وتغازلها دائما وبانتظام = المدح في الوجه ذم ... أمدحها بهدية بكلمة حلوة ... مب اقعدها جدامي وامدحها واطيح فيها مدح وبس ^_^ المدح له اسلوب علشان ماتمل ... او تبيني مثل المكينة تحط فيها نص ريال تقعد تمدحها لين تمل ... ولي خلصت الخردة اللي في مخباها تمت ترفس المكينة وعقبها تصيح وهي حاطه صبعها في حلجها ^_^

42-تحب التسوق= حق الخساير طبعاُ ,,, اكيد بالعقل كل شي بالعقل زين لأنه الفلوس اللي انا اجيبها واصرفها عليها ماجيبها من فراغ ... اطلع لدوامي من الفجر وماعود الا الظهر علشان اوفر لها العيشة الهنيئة ... مب حق الخساير ... اللي له داعي تاخذه واللي ماله داعي لا ... مو مسألة بخل لكن مسألة قناعة بشي تشتريه وتستفيد منه مب تشتري الشي وتقطه في الكبت وماتدري عنه الا عقب كم سنه وتحذفه ^_^

43-تكون صادق معها= اكيد لازم اصدق معها علشان احسسها بالأمان والثقة لأنها تستاهل كل خير

44-تكون غني جدا= غنى بالأخلاق او بشنو ... هذا مقياس في ذمتج ؟. الغنى غنى الروح والدين والاخلاق ... لو الناس بيزوجون بناتهم للأغنياء بس جان شفتي 99% من بنات قطر او العالم عوااااااااااااااااااانس

تدرين شنو يعني عانس .؟

ماأكبرها الكلمة ترى في عيون البنت او ام البنت او ابوا البنت

كبييييييييييييييييييرة ياناعمة كبييييييييييييرة

45-لا تضغط عليها= والله انا إنسان اخاف ربي اكيد اذا شفتها عدله وياي ماراح اضغط عليها وراح اعطيها حريتها

46-لا تنظرللأخريات= دامني مقتنع فيها ليش اطالع غيرها ...

وفي نفس الوقت يجب عليك أن:

47-تعطيها الكثير من الاهتمام، بدون التقليل من نفسك = اكيد اهتم فيها مب هي زوجتي وحبيبتي ... افديها بروحي والله

48-تعطيها كل وقتك، بدون أن تؤثر على وقت عملك= روحي وعمري وحياتي لها مو بس وقتي .

49-تعطيها مساحة من الحرية،ولا تسأل أبداً أين كانت= وشو دوري كرجل يعني ..؟. اكون جني هندي اشوفها تطلع وتدش وماسألها وين رايحة ووين داشة وليش تأخرتي ...؟ جذي تبون الرجال .. تنفون دوره الرجولي ؟

ومهم جدا جدا أن:

50-لا تنسى أبداً

-أعياد الميلاد= حرااااااااااااااااااااااااااااااااااااااااام بإجماع أكبر علماء الدين ... تبين الادلة .؟

-الذكريات السنوية= يوم الزواج ويوم الحب وفلانتين ومادري وشو ... حاظرين اذا مافيه شي يتعارض مع ديني .. لاني احط رب العالمين جدام عيوني في كل شي واحط ديني جدامي ^_^

-المناسبات العائلية=حاظرين ^_^

-الترتيبات التي تعدها بنفسها = حاظرين واساعدها بعد واوقف وياها في المطبخ .. عادي والله مافيها شي ^_^

إحترامي وتقديري لكل إمرأة تستاهل قلب رجل غني بالدين والأخلاق والمشاعر والاحاسيس والوجدان الراقي المنبعثة منه أجمل روائع العشق ودفئ العاطفة والطمأنينة والأخلاق الحميدة

دمتي بود ناعمــــــــــــــــة

ناعمه

03-19-2008, 02:59 AM

اقول يابوي .. افتح لنا قسم لتفسير .. ونقل هاذا الموضوع له ههههه << مسختها صح

والله يابوي انا لو ابي اصنع من كل كلمه انت قلتها نقاش .. اقدر بس انت سوت لي تفسير وجالس تقول حاضرن ومادري شو وانا مابي العضاء يقولون اني متفلسفه زياده عن اللزوم

والله اني كنت اقول اخوي SATISFIED انه طلع من الموضوع .. بس الحين غيرت رايي بعد كلامك .. انت الي طلعت من الموضوع حييييييييل

الموضوع معانا انه المرآه تطلب من الرجل بس الرجال مايطلب شي .. يعني انه الرجال ملاك وبريئ مايسوي شي

وانا قلت لا انه المرآه تطلب صح .. بس الرجال بعد يطلب .. بعدها قلنا انه المرآه نصف المجتمع .. واخوي SATISFIED وافقني الرآي في الاخر

هاذا الموضوع بس .. ولا لو انت كاتب هل كلام من قبل وقت الي كان الموضوع في القسم العام كان احسن وانا اختك .. لانه كلامك هاذا مو نقاش يابوي

معا كل احترامي لك اخوي .. انا نقاش معاي مو تحدي ولا مسابقه .. النقاش يعني تقنع الي معاك بفكرتك انت

وانا اسفه على اني اتعبتك وخليتك تكتب هاذا كله .. اسمح لي ياخوي

تحياتي لك اخوي

سعد الدوسري

03-19-2008, 03:04 AM

Dream Qtr

03-19-2008, 12:35 PM

اتمنى من الاداره ان تسكر الموضوع

لانه الصراحه اشوفهم يطلعون من الموضوع الرئيسي

وتغيرت فكره الموضوع

وصار بينهم تحدي

وطلعتوا من الموضوع الرئيسي

اتمنى ان يتصكر الموضوع

ناعمه

03-19-2008, 01:00 PM

خيتو من قال انه كلامي هذا بالنسبة لج تحدي

تحدي لأني وضحت لج امور تخص المرأة والجل

تحدي لأني قلت لج عيد ميلادها حرام احتفل فيه

تحدي لي قلت لج تبيني راقي وانا ميكانيكي

اي تحدي واي اسلوب خيتو اللي تحجين عنه

كل اللي قلته هو إجابات على أشياء انتي صادقتي عليها وإعتمدتيها

مايبت شي من عندي

وناقشت كل نقطه على حذا

^_^

ويعطيج مليوووون عافية خيتووو

لالا يابوي انت فهمتي غلط .. انا وقت الي قلت تحدي ماقصدك انت ولا اقصد كلامك .. انا بس كنت ابي اوضح الفكره لبعض الاخوان الي قالو اني شاده حيلي من شان اطلعم غلط وانا الي صح

معا احترامي لك اخوي انا ما كان هاذا قصدي

على العكس تفسيرك للموضوع على عيني وراسي .. انا ما اخالفك في شي .. لانه هاذا رايك وانت بكيفك

بس انت لو تاخذ الموضوع بلعقل راح لاقي انه المرآه مستحيل تطلب من رجالها كل هاذي الطلبات .. اونه سباك ومادري شو لا

انت اخذ الموضوع بلعقل ونتبه انا في شو اتكلم وراح تلاقي انه انا اتكلم عن شي وانتو تتكلمون عن شي ثاني

سعد الدوسري

03-19-2008, 02:07 PM

عزيزتي دريم

ماله داعي انه نغلق المواضيع

كل واحد بيده انه يناقش او مايناقش

ناعمة يعطيج العافية

^_^

على فكرة ... سياستنا في دمي عنابي عفوية وبسيطة لأبعد الحدود ...

مافي مواضيع تغلق ... مافي حقوق تضيع لأي عضو كان .. مافي احد احسن من حد وكلنا نمثل بعض وكلنا سواسية ^_^

وربي يحفظكم جميع

انتهى النقاش بالنسبة لي

دمتم بود

النحلة الحالمة

03-20-2008, 11:53 PM

كل تلك مواصفات يسعد الزوجه أن تجدها متوفرة في زوجها وهي ليست بالصعبة أو النادرة

ولكن البعض يحب أن يرسم حوله هالة من الغموض التي قد تشكك الآخرين فيه ويصبح هو

سي السيد أمره نافذ على الجميع وفي كل المواقف دون اعتراض , والملتزم في دينه وهي

الصفة الاولى التي يجب التحلي بها ووضعتها في رأس القائمة فدينه سيجمله وينشىء الصفات الاخرى فيه ........

-ملتزم بالدين ـأخ-صديق-رفيق-حبيب-نظيف-رقيق-لطيف-شجاع-شهم-متفهم-متسامح-حكيم-تكون صادق معها-لا تنظرللأخريات-تعطيها الكثير من الاهتمام، بدون التقليل من نفسك-تعطيها مساحة من الحرية .
فهي لم تطلب الكثير وسعادتها من سعادته وسيؤثر ذلك في حياتهم وعلى ابناؤهم .

>>>كيف تجعلين الرجل سعيد[/B]

> >>اتركيه يعيش في سلام >>>لاتسأليه: أين هو ؟ أو لماذا تأخر ؟ >>>لاتعاتبيه >>>اعتمدي على نفسك في كل شيء >>> لاتطلبي منه الخروج معه في الاجازة الاسبوعية >>>لاتحمليه مشاكل المنزل والاسرة بل تصرفي في حلها>>>كوني له أخت وأم وصديقة وزوجة>>>اهتمي بكل صغيرة وكبيرة تخصه>>>اهتمي بنفسك ومظهرك>>>قودي سيارتك واجلبي حاجياتك>>>وصلي ابناؤك للمدارس>>>اتصلي بالعمال للصيانة المنزلية.................... الخ

هل سيصل بهذا للسعادة ؟!

والله المستعان ...... للامانة ليس الجميع من الرجال ولكن الغالبية.

عزيز الدمع

03-21-2008, 12:50 AM

شكرا لمرورك اختي...