.,’.’.’.’.’. أنا أشــهــد لـكـ أنــا مــغــرور ,’,’,’,’,’,’,!

[عزيز الدمع]

كسرتي حاجز الرهبه , و سألتي ليه أنا مغـرور
تحسبينه غرور ان كان , قلبي يرفض اخضوعه

تمردتي على احساسي , وخذلتي الخاطر المكسور
وسوّل لك ضمير الغي , تناسي الحب واشروعـه

و صفتيني شقي دنيا , و حسبتيني عديم اشعـور
وحسافه كلمتك كانت , ابرغم الظلـم مسموعـه

حسبت انك على ظني , وفي عشرة ثلاث اشهور
عرفتي كل شي فيني , وعيدي شبـت اشموعـه

ومادام انها ثلاث اسنين , مرت والزمان ايـدور
ولا زالت مفاهيمك , عن الاحسـاس مردوعـه

فانا باعلمك طبعي , وابمشي لك على الدستـور
وابشرح لك هوى قلبي , وعن الخفاق واطبوعه

أنا واستغفر الخالق , الهـي كاشـف المستـور
من كلمة أنا يابنت , صفاتـي عنـك مرفوعـه

أنا طبعي أسوق الجود , لا كـاره و لا مجبـور
ولدت الطيب بعروقي , واجنب روس مصدوعـه

أنا رجل ٍ بامر ربي , بنا له بالشمـوخ اقصـور
نجوم المجد تركع له , وفـي يمنـاه مصروعـه

أنا فيني شموخ الشمس , ما فيني شموخ النـور
لأن النور قطرة ماي , يجيها تكسـر اضلوعـه

أنا فيني الفخر والمجد , و فيني كبريـاء ادهـور
كسبت العز والناموس, غصب ٍ ماهـو ابطوعـه

وعلى رغم الفخر تذرف , اعيوني دمعة المقهور
اذا شفت الطفل ساكت , وحزنه يفرض ادموعـه

أنا بعد الولي ربي , لمكسـور الخفـوق اجبـور
ويجرح خاطري المحتاج , اذا جا يشتكي جوعـه

أنا اترفع عن الزله , وبنيت امن المراجل سـور
يصون النفس لا تزلف , ولو اتمـوت موجوعـه

ومع ذلك جمال الكون , ينبت في الخفوق ازهور
وقلبي مزهرية حب , من الألمـاس مصنوعـه

و اذا قلتي ( أنا ) كلمة , أنانيه و كسر اشعـور
فانا عندي لها معنى , غريـب ويختلـف نوعـه

أنا عندي الألف تعني , أجود وفي الزمان اقصور
ومعنى النون في نفسي , نزاهة شيخ مزروعـه

و ثالثها الف شامخ , و معناتـه أدب واحضـور
ترى ماهي مجرد قول , ثلاث احروف مطبوعـه

اذا كان الوفا والطيب , وكتمان الشعور اغـرور
فانا اشهد لك أنا مغرور , والهامـات مرفوعـه

ختام القول يا0000, قصيدي اسألـي الدكتـور
اذا يقدر يعيش انسان , وعروق القلب مقطوعـه



وسلامتكم

" المحترف"

[سعد الدوسري]

من كتاباتك اخوي المحترف ؟

[بنت السويدي]

يسلمو قلبي